မျက်နှာကျက် အတွေး

အသက်ရှင်သန်ဖြစ်ဖို့အတွက် လူတစ်ယောက်လိုအပ်တဲ့အရာတွေဟာ ဘာတွေများလဲ

အိမ်က ဖုန်းဆက်လာတိုင်း တခုခုကို ထိတ်လန့်နေသလိုမျိုး

အိပ်မရတဲ့ညတွေမှာ အိမ်အကြောင်း အိပ်မက်တွေများကြီးမက်ပြီး

မနက်မိုးလင်း wtf အသံတွေနဲ့နိုးတော့မှ သူဟာ ငရဲထဲရောက်နေတာသတိရရင်း

သူ့ကိုယ်သူ နေမကောင်းဘူးထင်ပြီး တစုံတယောက်ဆီ မက်ဆေ့တွေပို့ဖို့ကြိုးစားတိုင်း

အချိန်တွေအကုန်မြန်မှာပါလို့ ရူးပြီးမျှော်လင့်ရခြင်းနဲ့ မိုးရေတွေထဲက လိပ်ပြာတစ်ကောင်လို

အသံတွေ သူ့ဆီမရောက်လာဖို့ လူသေတယောက်လို တိတ်ဆိတ်နေဖြစ်တဲ့ ကြောက်ရွံ့မှု့တွေ

အလွမ်းတွေဟာ မျက်လုံးတွေပွတ်နေမိချိန်မှာ အထီးကျန်ခြင်းနဲ့ ဆာလောင်စိတ်ဟာ

သူကြယ်တွေကို ဖျောက်ထားလို့ သူ အိမ်ကိုပြန်ရောက်ဖို့ ဝေးနေတယ်ဆိုတဲ့ အတွေးနဲ့

နင်ရယ်ဖြစ်ဖို့ပြောခဲ့တဲ့ ငါ့စကားတွေ ပင်လယ်လို မျက်ရည်တွေကျလို့ …

၁၆.၈.၂၀၁၅

တပုဒ်လုံးမှာ နှုတ်ခမ်းတွေ

နောက်ဆုံးတော့ နင်ထွက်သွားလို့ ငါ ပျော်ခဲ့ရတယ် စကားနဲ့

ငါ့မျက်လုံးတွေ လောင်ကျွမ်းနေတာ သိရဲ့လား

မင်းစိတ်ထဲ ရှိတဲ့ ချိုချဉ်လေး ငါဖြစ်ချင်တာ

 နင်မရှိရင် ငါ ဟာ လေဟာနယ်ထဲ လွင့်နေတာပဲ

အမှောင်တွေထဲမရောက်ဖို့ ဘယ်လောက်ကြိုးစားနေပေမယ့် ငါ့စိတ်က မှောင်နေခဲ့ပြီး

ငါ့ကို ဘာလို့ ထားခဲ့မှာလဲလို့ မေးပါရစေ နှုတ်ဆက်စကားတွေ ငါမုန်းပါရစေငါ

 အမြဲတမ်းပြောလေ့ရှိသလို ငါ နင့်အတွက် ဖြစ်ချင်ရုံလေးဆိုတာ

နာကျင်နေတာမဟုတ်ဘူးလို့ စိတ်တင်းထားသမျှဟာ 

ခေါင်းတွေမော့ပြီးကြည့်နေလိုက်တဲ့ ကောင်းကင်ကြီးဟာ

ငါ ရူးနေလို့ နင်လာပြီး ကယ်ဖို့ လိုအပ်နေတာ

လူတွေရဲ့ မစာနာတဲ့ စကား တွေ နဲ့ ငါ လေးလံမနေချင်ဘူး

 မင်းကြောင့် ငါ ရိုင်းလိုက်တော့မှာ

ကိုယ့်ကိုကိုယ့် ေ-ာက်ရာမဝင်တဲ့ အပိုတစ်ယောက်လို ခံစားရခြင်းမှာ မောနေခဲ့ပြီး

မင်း က ငါ့ အတွက် မကောင်းခြင်းတွေပဲဖြစ်စေလို့  ကလေး ရယ် ငါ မင်းနဲ့ရှိပါရစေဆိုတာ

မင်းကြယ်တွေကို ငါမြင်နေရတာ  မင်းသိလာဖို့မျှော်လင့်ခြင်းနဲ့

ေ-ာက်ရေးမပါတဲ့ မျက်ရည်တွေကျပြီးတိုင်း နင့်ကို ပိုချစ်လာတာပဲ

နင့်ကို အမြဲလွမ်းနေမိမှာပဲ အရာရာထက် မင်းလေးက ငါ့ကိုပိုသိမှာပဲ 

ပိုနာကျင်စေမှာပဲ ပိုသက်သာစေမှာပဲ

အချစ်ဟာ မျက်ကန်းလို့ လူတွေပြောနေကြရင်း

မင်းမျက်နာတွေ့ပြီးနောက်မှာ ငါ နားလည်လာရတာတွေ များလို့

အသိစိတ်လွတ်နေတာနဲ့ နာကျင်နေတာဟာ ကွာခြားတယ်

ငါ ဟာ အမြဲမူမမှန်ခြင်းလား

 နင့်ရဲ့ ညတွေထဲ ငါ ကျနေရစ်တော့မှာ

မင်းရဲ့ လွဲချော်ခြင်းတွေမှာ ငါရှိတယ်လို့ပြောပေးခဲ့ပါ..

lana del rey စာသားများအား

မြေနံ့ ရေးချင်သလိုရေးသည်.. ၁၀.၇.၂၀၁၅

စလိမ်

ငါ အမှားတခု လုပ်ခဲ့မိတာထင်တယ်

ခေါင်းလောင်းသံတွေမမြည်တာ အတော်ကြာနေသလို

ကျောခိုင်းနေတဲ့ သစ်ပင်တွေသာ မြင်နေရတယ်

စမ်းချောင်းတွေဆီ သွားမယ်ဆိုတဲ့ လက်ကလေးတွေ

ငါ့ကို ဥပေက္ခာပြုခြင်းနဲ့မှ အဆင်ပြေမယ်လို့ တွေးမိတိုင်း

ငါ့စိတ်တွေကို ငါ့စိတ်တွေနဲ့ပဲ နာကျင်စွာ ဆုပ်ညှစ်မိတယ်

သတိရခြင်းတွေကို အိပ်မက်တွေထဲ အလုံပိတ်ပြီး ပြုံးဖြစ်အောင်နေရင်း

တစုံတယောက်ရဲ့ မျက်လုံးထဲက ကြယ်တွေ

တစုံတယောက်ရဲ့ စကားတွေထဲက ပျံသန်းနေတဲ့ ဌက်တွေ

တစုံတယောက်ရဲ့ မေ့လျော့ခြင်းထဲမှာ ငါ ဟာ တိမ်တွေကို ကိုက်ဖြတ်ရမှာပဲ

အရင်အတိုင်းဆိုတာ ပြန်ဖြစ်လာပါအုံးမလား

မိုးတွေအမြဲ ရွာနေတဲ့ အရပ်တွေ ဆီ သွားရမယ်

ငါ အရမ်း အတူရှိနေချင်ခဲ့သမျှက ငါ့မှာ လုံးချေခံရတဲ့ စက္ကူတွေပဲ

ဘဝကို တိတ်တိတ်လေးပဲ သွားစေချင်ခဲ့တာ

သွေးထွက်လွန်မှု့တွေကို ဒီမှာတင် ရပ်ပစ်ချင်ပြီ..

၂၅.၁.၂၀၁၅

Iltwucamsb,bitch …

ဘာတွေဖြစ်နေမှန်းမသိဆိုတာနဲ့ ပါးစပ်တွေဟာ

အလိုလို အဝှက်ခံလိုက်ရတယ်

လူတွေရဲ့ လမ်းဖြတ်ကူးပုံကိုကြည့်ပြီး

သူတို့ရဲ့ ပျော်ရွှင်မှု့အတိုင်းအတာကို တွေးနေဖြစ်ရင်း

မိုးသံတွေဟာ ပြေးထွက်သွားခြင်းအတွက် အကာအကွယ်ဖြစ်မယ်ဆို

သီချင်းတွေညည်းနေတဲ့ ဌက်တစ်ကောင်ဟာ

တောင်တန်းတွေပေါ်က တိမ်တွေဆီ

သူချစ်ရတဲ့ ကြယ်တွေအကြောင်း ပြောဖြစ်လိမ့်မယ်

ထွက်ခွာသွားတဲ့လူတွေဟာ တနည်းမဟုတ် တနည်းနဲ့တော့ ပျော်နေနိုင်မှာပါ

အိမ်မက်တွေထဲက နူးညံ့တဲ့ လက်ချောင်းလေးတွေကို

အမှောင်တွေထဲကနေ မျက်ခြေမပြတ်ကြည့်ရင်း ရွံပစ်လိုက်ဖို့ ကြိုးစားရတာ

ဖြစ်နိုင်ရင် ပြတင်းပေါက်တွေကို မဖွင့်လိုက်ပါနဲ့

တစုံတယောက်ကို မြင်ရရင်

သူမျက်ရည်ကျမိလိမ့်မယ် …။

မြေနံ့

၂၃.၁၀.၂၀၁၄

အအယအအလကလ

ဘဝမှာ ထွက်ပြေးနေရတဲ့ အချိန်တွေ များလွန်းတယ် ဆန်ဒါ ပြည့်ချင်နေခဲ့တဲ့ ဆုတောင်းတွေဟာ တဖြည်းဖြည်း အဓိပ္ပါယ်မဲ့လာရင်း အိမ်ပြန်မရောက်တော့ဘူးလို့ပဲ ထင်နေမိတဲ့ လူကော် စိတ်ကော် မိုးမိတဲ့ညတွေမှာ ရယ်သံတွေဟာ ငိုသံတွေထက် ပို ဝမ်းနည်းနေပုံပေါ်နေတဲ့လူ အရာရာဟာ ထင်သလောက်မလွယ်ကူခဲ့ဘူး သတိရလွန်ရောဂါရဲ့ လက္ခဏာ မိုးတွေ နည်းနည်း သည်းလာရင် သူ့မှာလုပ်စရာက တယောက်ယောက်ကိုလာစေချင်လွန်းလို့ တံခါးတွေပိတ်လိုက်တာပါ သိရဲ့လား ကြာတော့လည်း ကြောက်ရမှာကိုတောင် ကြောက်နေခဲ့ပြီ ဆက်နေဖို့က ရင်တွေနာလွန်းနေခဲ့ပြီ အိပ်မက်ထဲက တစုံတယောက်ရဲ့ ဂျစ်ကန်ကန် အသံလေး သူ့ကို မတွေ့ချင်ဘူးဆိုတာ သူ မယုံချင်ယောင်ဆောင်နေတဲ့ အဖြစ်မှန်ကို လက်ခံလိုက်တဲ့ အခါ မျက်ရည်တွေ တော်တော်ကျတယ် တကယ်ဆို စောစောကတည်းက ရူးနေလိုက်ရမှာ ပြီးပြည့်စုံစွာနဲ့ လှပနေမယ့် အရုပ်လေးကို  အဝေးကြီးက လက်တွေက အိမ်ဆိုတဲ့ စကားလုံး စိတ်ချပါ နောက်မရှိစေဖို့ကို အသက်နဲ့လဲပြီး သည်းခံပါ့မယ်တဲ့ ဆန်ဒါ …  

၉.၆.၂၀၁၄

သစ်ရွက်ကြွေ

လုံလောက်ပါတယ်ပေါ့ တမိုးလုံးစောင့်နေခဲ့တယ်

ရူးနေတဲ့လူက see ya ဆိုတာ နှုတ်ဆက်ရင် ပြောနေကျစကားလို့ဘယ်သိပါ့မလဲ

စနေနေ့တိုင်းဟာ သူချစ်တယ်လို့ သူကထင်နေတဲ့လူတယောက်ကို … … …

စိတ်မကောင်းဖြစ်နေတာကို တတ်နိုင်သလောက်ဖုံးထားတယ်

ဘာတွေခံစားနေတာလဲမေးရင် ဘာမှမခံစားပါဘူးပဲဖြေတယ်

တစ်ယောက်တည်းအကြာကြီးထိုင်ရင်း

စိတ်ထဲမရှိတဲ့စကားတွေပြောရင်း

ရယ်နေရရင် ဘဝမှာ အနာကျင်ဆုံးဖြစ်ရင်း

တွေ့သမျှသစ်ပင်တွေကိုမေးတယ် အချိန်အတော်ကြာဆိုတာ 

နှစ်ရက်လား တစ်ပတ်လား ဒါမှမဟုတ် နောက်လ၂၀ကျော်လား 

ဒါမှမဟုတ် အဲ့ထက်ပိုကြာမှာလား

တံခါးတစ်ချပ် messageတစ်စောင် သီချင်းတစ်ပုဒ်

မသွားပါနဲ့လို့ပြောရတဲ့ ခံစားချက်ကိုမုန်းမိတယ်

တိတ်ဆိတ်နေတဲ့ သစ်ရွက်တွေကို ရေကြည့်နေတယ်

နင့်ကို သိပ်ချစ်လာပြီဆို ငါဟာကြောက်ဖို့ကောင်းလာတယ်

တကယ်ဆိုထွက်ပြေးဖို့အသင့်အနေအထားနဲ့လူက ရယ်ရပါတယ်

မပျော်တော့ရင် ငါ့ကိုနိုးပါ … … …

မြေနံ့

၂၀.၃.၂၀၁၄

ချစ်ခြင်းမေတ္တာက ငါပြောနိုင်တဲ့ စကား အကုန်ပါပဲ

ငါရယ်လိုက်မိတယ် တစ်ခုခုပြောဖို့အားယူလိုက်တိုင်း ငါ ဟာ အနောက်ပိုရောက်သွားတယ် နင်နဲ့မထိတွေ့ရရင် ခေါင်းတွေကိုက်လာတယ် ဂိမ်းတွေပဲဇွတ်ကစားလိုက်တယ် နေမကောင်းလည်းဖြစ်တယ် နင့်ဆီရောက်မှ ငါ အဆင်ပြေမယ် ဘာတိုက်ဆိုင်မှု့မှမရှိပဲ ရုတ်တရက် လမ်းလျှောက်နေရင်း အရမ်းသတိရမိတယ် ဘယ်လိုသိစေရမှန်း နားမလည်ပြန်တဲ့ငါ ငါ သောက်နေတဲ့ဆေးပြင်းလိပ်တစ်လိပ်ကလည်း နင့်ကို တွေ့ချင်နေလို့ဖြစ်လိမ့်မယ် ငါ ပြောလိုက်တဲ့ I dun care ဆိုတဲ့စကားက နင်ဂရုမစိုက်လို့ဖြစ်မယ် ငါငိုမိတဲ့ တံခါးတွေက နင်ပျော်နေဖို့တော့ ရည်ရွယ်ဆဲ ငါ့စကားတွေက ချစ်လို့ပြောနေတာလေ အိပ်မက်လို့ငါမထင်ခဲ့မိတာ အိပ်မက်လို့ ဘယ်တော့မှမထင်ချင်ခဲ့တာ သိရဲ့လား ငါ ဘာသာ စိတ္တဇတွေ များနေတာ နင့်ရှေ့မှာ ကောင်းသလိုပဲနေပြချင်တာ တလွဲတွေလို့ နင်ပြောတိုင်း ငါ ဘာလို့လည်းမသိ ဝမ်းနည်းမိတာ ဘာမှမပြောတော့ဘူးဆိုရင်လည်း ဘာမှမပြောတော့ရုံပဲပေါ့လို့တွေးမိရင်း ပြုံးမိတဲ့အခါတွေက နင့်ငါ့ကိုထပ်ပစ်ထားခဲ့ချိန်တွေပဲ တနေ့တော့ မေ့ကောင်းမေ့နိုင်မှာပါ ဒီနေ့တော့မဟုတ်သေးဘူး ဆိုတာ ဆောရီး အဆိုးဆုံးတွေကို မျှော်လင့်ထားရမှာ ငါ မေ့နေပြန်တယ ် နင်မသိလောက်ပါဘူး ငါ နင့်ကိုသိပ်ချစ်တယ်ဆိုတာ ...။

မြေနံ့

၂၅.၁.၂၀၁၄

Fuckin' crazy ဆိုတဲ့စကားစုမှာ အတိတ်တွေ အများကြီးပါနေလို့ သတိထားသုံးပါ

ပထမကတော့ အရှုံးသမားတွေနေတဲ့ ရွာလေးဆီက နွေးထွေးစွာ ကြိုဆိုပါသည်ပေါ့

ရေပြင်ကို ကြည့်နေရတာထက်ပိုတဲ့ အပြုံးတွေ ငါ့မှာမရှိဖူးဘူး

မကြာခင် မှောင်လာတော့မယ် သေပါစေ ဆိုပြီး ထွက်လာခဲ့တာ

ငါ့ချစ်ရတဲ့သူ တစ်ယောက်ယောက်ရှိနေတယ်ဆိုတဲ့ အသိမျိုးနဲ့ အိမ် ဘယ်တော့ပြန်ရမလဲ

ဒီဇင်ဘာရက်တစ်ရက်မှာ ငါ့ကိုယ်ငါ ခွင့်မလွတ်နိုင်မယ့် အမှား ငါ ဖြစ်ခဲ့တယ်

တကယ်ဆို စောင့်နေခဲ့တာပေါ့ ထွက်ပြေးခြင်းကို မျှော်လင့်ခြင်းလို့ အသံထွက်ဖတ်ပေးပါ

!  သေခြင်းတရားကိုပဲ ခေါင်းကိုက်ပျောက်ဆေးအဖြစ် သုံးလိုက်တယ် !

အဲ့ညမှာ မီးခိုးတွေ ပဲ ရှိနေတယ် ဘယ်လိုပဲဖြစ်ဖြစ်မထားသွားနိုင်တာကို 

ဘာတွေပဲဖြစ်ဖြစ်ရှိနေမှာပါဆိုတာကို

ဘာကြောင့်ပဲဖြစ်ဖြစ် "နင်ပြောချင်တာကိုငါသိပါတယ်" ဆိုတဲ့ နင့်စကားက 

ငါ့အတွက် အကောင်းဆုံးဟာသတစ်ခုဖြစ်တာကို

တွဲလောင်းဖြစ်နေတဲ့ ကြိုးတွေအကုန်လုံးကို ဖြုတ်လိုက်မှ ဖြစ်မယ်

အိပ်ရာကနိုးလာတိုင်း အသက်ရှိနေသေးပါလား ဆိုတဲ့အသိက မသက်မသာဖြစ်လွန်းရတယ်

မှတ်မိသေးလား တစ်ယောက်နဲ့တစ်ယောက် လိုအပ်ငြိတွယ်စောင့်မျှော်နေခဲ့တာတွေ

အနောက်ပဲဆုတ်မယ်တဲ့ ဘာတွေပဲဖြစ်ဖြစ်တဲ့ ရှေ့ဆက်မတိုးဘူးတဲ့

ငါ့မှာ နင့် နဲ့ စကားမပြောရတော့ရင် ဘယ်လိုရှင်သန်နေရလဲ သိရဲ့လား

ဒါပေမယ့် ထားလိုက်ပါတော့လို့သာ ထားလိုက်မှပဲ ဖြစ်တော့မယ့် အခြေအနေတွေပဲလေ

အခုဆိုစိတ်ကျချိန်တွေမှာ မသတ်သေဖြစ်သေးသရွေ့ 

လူတစ်ယောက် အချိန်ဘယ်လောက်ကြာကြာ 

ဆက်တိုက်ငိုနေဖြစ်သလဲဆိုတာပဲ စမ်းသပ်နေတော့တယ်

ပြောချင်တဲ့ စကားလုံးတွေက မျက်ရည်တွေ ဖြစ်သွားပုံပဲ

ရယ်လိုက်တယ် ဘယ်သူကယုံမှာလဲ အိမ် ဆိုတဲ့ စကားလုံးဆီက ငါ့ ခံစားမှု့ကို …

!       !  …   စာအုပ်တစ်အုပ်ထဲမှဖြစ်သည်

မြေနံ့

၆၊၁၁၊၂၀၁၃

စိတ်ဟာသေနေတယ်

စိုးရိမ်ရေမှတ်ရောက်နေတဲ့ နာကျင်မှု့တွေနဲ့ ငါ ဟာ ရင်နှီးနေတယ်

စကားပြောနေရင်နဲ့ အသံတွေ တဖြည်းဖြည်းတုန်လာရတဲ့အဖြစ်

ဒေါသတွေထဲမှာ မျက်ရည်တွေပါ ကျနေရတဲ့ သီချင်းတစ်ပုဒ် ငါ ဖြစ်သွားတယ်

စိတ်ဂယောက်ခြောက်ခြားဖြစ်စဉ်တွေအတွက် ပါးစပ်တွေကို လုံးဝဖုံးပိတ်ထားရတယ်

သိပ်လွန်းနေပုံရတဲ့ ငါ့ နှုတ်ခမ်းေတွေက ပုံပျက် ထိန်းဖို့ခက်နေပြီလေ

"နင်ကသိပ်ကိုငေးလို့ကောင်းတာပဲ"

တကယ်တော့ ကာယကံရှင်ကိုယ်တိုင်တောင် မသိတဲ့ ဖြစ်စဉ်တွေ

ဘယ်သူကမှ ဘာမှမဖြစ်ခဲ့ကြမှာ သေချာတယ်

ကြယ်ပုံတွေပဲ ထိုင်ဆွဲနေမိတယ်

ငါက ခံစားလွယ် မျက်ရည်လွယ်လွန်းပါတယ်လို့ တောင်းပန်ခယရင်းနဲ့ပဲ

ငါဟာ ခဏခဏ အပစ်ချခံနေရတယ် ငါ့စိတ်ဟာသေပေးရတယ်

"ခေါင်းတွေကိုက်နေလို့ နင့်ကိုမခေါ်တော့ဘူး"

လာမှာမဟုတ်တဲ့ လူတစ်ယောက်ကို မျှော်လင့်နေခြင်းကို စောင့်စားခြင်းလို့ခေါ်လို့ရမလား

"ဘယ်လိုပဲဖြစ်ဖြစ် နင်ပျော်နေတာသိရလို့ ဝမ်းသာပါတယ်"

ငါ က သိပ်ဟန်ဆောင်ကောင်းပါတယ ဒါပေမယ့် နင်ကတော့ သိချင်သိနေမှာပါ

လူတွေရဲ့စိတ်ဖိစီးမှု့ကို ဖြေဖျောက်တဲ့ နည်းလမ်းတွေက

စိတ်ဝင်စားဖွယ် သနားစရာ ရယ်စရာ ကောင်းလာခဲ့ပါတယ်

စိတ်သွားတိုင်းကိုယ်မပါတာထက် ကိုယ်သွားတိုင်း စိတ်မပါတော့တာပါပဲ

"ခံနိုင်ရည်ရှိပြီးသား ဒဏ်ရာတွေပါ ငါ့ကိုလုံးဝထုတ်လိုက်လို့ရပါတယ်"

"ငါသေသွားပြီလို့သာ သဘောထားပေါ့"

ခုတလော စကားလုံးတွေအရတော့ သေချာပါတယ်

ငါ ဟာ စိတ်မကောင်းဖြစ်နေတယ်

မြေနံ့

၂၄.၄.၂၀၁၃

ညနက်တွေထဲ ပျက်ထွက်နေတဲ့ သတိရခြင်းတွေ

မိုးကြိုးပစ်သံတွေ ကျယ်လောင်လွန်းနေတယ်

ကော်ဖီတွေ အကြောင်းပြောချင်နေတယ်

ဆေးသောက်ပြီးမှ အိပ်ပါပေါ့

သူစောင့်နေမှာလားဆိုတဲ့ အတွေးတွေက

 ေ-ာက်ပိုတွေဖြစ်ကုန်ပြီလို့ မီးရှို့ပစ်လိုက်ပါတော့ပေါ့

မေတ္တာတရားက ကပ်ပါးကောင် ဘဝရောက်နေတာတောင် မသေနိုင်တော့

တခုခုဖြစ်လာခဲ့ရင် မချိပြုံးတွေပဲပြုံးနေရသူက ငါ ပဲ ပေါ့

စိတ်ကျခြင်းက ကြယ်တွေ

အမှောင်တွေထဲထိုင်ရင်း ဝမ်းနည်းစရာကောင်းတဲ့ သီချင်းတွေ အကြောင်းတွေးနေမိတယ်

နင်ငါ့ကိုမမြင်နိုင်တော့တဲ့အခါ ငါနင့်ကိုအကြာကြီးကြည့်နေမှာ

ဘယ်တော့မှ မငိုတော့ဘူးဆို… ရယ်နေရင်းနဲ့ မျက်ရည်ကျလိမ့်မယ်

ဘာဖြစ်ဖြစ် ဘာမှမဖြစ်တော့ပါဘူးလို့ ထွက်သွားခါနီး မဖြစ်မနေပြောခဲ့မယ်

ရင်ထဲမှာ မွန်းကျပ်နာကျင်လွန်းနေတယ်

ကလေးလေးတုန်းကလို ရင်ဘတ်ပေါ်မှာ တစ်ယောက်ယောက်ရဲ့ 

လက်ကလေးရှိမှ စိတ်ချလက်ချ အိပ်ပျော်နိုင်တော့မယ်ထင်တယ်

ဒီညဟာ စိတ်မှန်ပုံမရဘူး…။…။

မြေနံ့

၃.၁၀.၂၀၁၃

ဘန်

ဒီ … တောထဲမှာ  …  စားစရာကစာရွက်တွေပဲရှိတော့  …  မျက်ရည်တွေကျလာလား  …  ရယ်နေတာ  … အဲ့ဒီလို/လောက် အိပ်တော့ နားတွေကိုက်  …  ကစားခံခဲ့ရခြင်းဟုတ်/မဟုတ်ကို  …  ဘယ်သီချင်းမှမရောက်တော့  …  သစ်ပင်များများစိုက်  …  လူထက်တိရစ္ဆာန်ကိုပို  …  ကြည့်လိုက်  …  တိမ်တွေကအလကားပဲတွေး  …  ရေတွေနဲ့အတူမျောသွား  …  ပိုးဟပ်အကြောင်း  …  ချစ်စရာက see ya'  …  အဲ့နေ့ကိုမမေ့ဖြစ်  …  စကားမပြောတတ်တော့  …  လိုင်းတွေအရမ်းကျတာ  …  ခရမ်းရောင်အဖြစ်ပြန်တွေ့  …  ၃ရက်မှာ  …  ပျော်ရွှင်မှု့လေးကအနက်ရောင်ကြိုက်တော့  …  ငါ့ကိုသာသတ်လိုက်တော့ဆိုပြီးပြော  …  အိပ်မက်တွေကိုကြောက်လို့ မအိပ်ရဲ့တော့  …  ဟုတ်ပါတယ် သင်းချိုင်းကုန်းပဲသွားတတ်  …  သိခဲ့ရဲ့လား မသေချာ  …  မရေအတွက်နိုင်အောင် ညတွေမိုးရွာရင်း  …  အဟတ်  …   အားလုံးက စောက်ပိုအနေနဲ့ပြီး  … … … ။

မြေနံ့

၂၆.၈.၂၀၁၃

ထွက်သွားမယ်ပြောတာငါပါ ကျန်ခဲ့တာလည်းငါပါပဲ

မဖြတ်ချင်သမျှသံယောဇဉ်တွေက ငါ့ကို အ နေစေတယ်

ညတွေဆိုနင်အိပ်ပျော်ပါ့မလားဆိုတဲ့အတွေးတွေနဲ့

ကြောက်တာနဲ့ ဝမ်းနည်းတတ်တာ နှစ်ခုပဲရှိတဲ့လူဟာ

သူ့စိတ်တွေ မိုးရေထဲမှာ လွှတ်ထားရင်း

နင့်ကိုတော့ မိုးရေတွေထဲ လမ်းပျောက်နေမှာ စိုးနေတုန်း

 နင့်ကောင်းကင်မှာ ငါ့ ကြယ်တွေမရှိတော့တာ သေချာပြီလား

တိမ်တွေလို နင်ပြန်လွင့်သွားပြီလား

နင့်အပြုံးတွေက ရင်ထဲက ဆို ငါ က ရပါတယ်ပေါ့

နံရံတွေထဲ ဝင်ထိုင်နေလိုက်ချင်တယ်

စိတ်ကမဟုတ်ပဲ ခန္ဓာကိုယ်တနေရာကပဲ နာနေချင်တယ်

အိပ်မက်ချစ်သူ သီချင်းမှာ မျက်ရည်တွေပါသွားတယ်

တကယ်တော့ ဘယ်သီချင်းမှ နားမထောင်တော့တာပဲ ကောင်းပါတယ်

မှားခဲ့တာငါပါပဲ

ငါ့လို မနာကျင်ပါနဲ့ ...။...။

မြေနံ့

၂၈.၉.၂၀၁၃

ဖြစ်နိုင်ရင် အစွဲအလမ်းမကြီးချင်ပါဘူး ဝေဒီ

ခက်တာပဲ သူ့စိတ်ကျချိန်တွေကို လူတစ်ယောက်ရဲ့စကားတွေနဲ့ ကျော်သွားချင်နေဆဲကို

စိတ်ရှိလက်ရှိပေါက်ကွဲဖို့တောင် စိတ်မရှိတော့ဘူးလား ဝေဒီ

မယုံရမှန်းသိခဲ့ပေမယ့် ယုံချင်ခဲ့တာ ယုံနေခဲ့သမျှ အဆုံးထိသိပြီးချိန်မှာ 

အကောင်းဆုံးက Done for You သီချင်းနဲ့အတူ ခပ်ကျယ်ကျယ်ရယ်လိုက်ပါ

အနာကျင်စေဆုံးလူက အချစ်ဆုံးလူပဲဖြစ်နေမှာ

"လူတယောက်က လူတယောက်ကိုစောင့်နေခြင်းမှာ

ပြန်လာမယ်ဆိုတဲ့ကတိ မလိုဘူး

ပြန်လာမှာပါဆိုတဲ့အတွေးတွေ မပါဘူး

လိုနေမယ်ဆိုတာတွေလည်း မဟုတ်ဘူး

တချိန်ပျော်ရွှင်ရဖို့ကိုလည်း မမျှော်ဘူး

ဒီအတိုင်းပဲငါစောင့်နေမယ် ငါစောင့်နေတယ်"

စိတ်မကျန်းမာတဲ့လူတစ်ယောက်ရဲ့အခန်းမှာ အဲ့လိုရေးထားတယ်ဝေဒီ

I will save myself ဆိုပြီး ကားတိုက်သေသွားတာမျိုးတွေလည်းတွေ့ဖူးတယ်

ဝမ်းနည်းမှု့ကနေ အရောင်ပြောင်းသွားတဲ့ နာကျင်ရိုင်းစိုင်းမှု့တွေကို ငါသိပ်ကြောက်တယ်

ပျော်ရွှင်နေတဲ့လူတွေကိုကြည့်ပြီး ပြုံးရတဲ့အပြုံးတွေ ထပ်မတတ်နိုင်တော့ဘူး

မျက်ရည်တွေဟာ အလိုလို

ကြက်သီးထမှု့တွေ ဟာ အလိုလို

တခုခုကို ကိုက်ဖြတ်ချင်စိတ်တွေဟာ အလိုလို

ငါ့ကိုယ်ငါ အမှောင်ထဲ ထား ရ မှာကို မရဲတော့ဘူး ဝေဒီ

သူထင်သလို တချို့စကားတွေက ငါ ယောင်ပြီးပြောမိတာပဲ ဖြစ်ခဲ့ပါလိမ့်မယ်

ဟိုတုန်းကဆို သိပ်ပျော်စရာကောင်းခဲ့တာတွေနဲ့

ငြိမ်သက်ရုံပါပဲပေ့ါ … ။ ။

Done for You … Black veil Brides

 

မြေနံ့

၂၉.၉.၂၀၁၃

စကားလုံးတွေက စိတ္တဇဖြစ်စေတဲ့ မိုးစက်တွေ

တစ်စုံတစ်ယောက်ရှိခဲ့ဖူးလား

လူမမြင်ဆူညံမှု့နဲ့

အိမ်စောစောပြန်ဖို့မျှော်လင့်နေခြင်းကတစ်ဝက်

တခုခုတော့သိစေချင်တဲ့ ဆန္ဒထဲ

နံရံတွေပဲရောက်လာတော့မှာလား

ဘယ်လိုနေလဲပြောပြချင်တယ်

သစ်ရွက်ကြွေတွေနဲ့ပဲ ပြုံးနေရတာ မြင်ကောင်းလား

စိတ်အတက်အကျ တွေက တယောသံထွက်ပါ့မလား

ရယ်လိုက်ရင် ဟာသ ပါပေါ့

လွန်ခဲ့တဲ့နှစ်တွေမှာနေတုန်း အဲ့တုန်းက စကားတွေပဲပြောနေတုန်း

စိတ်ကျရောဂါလည်း ဖြစ်ပေးလိုက်တယ်

မရေမတွက်နိုင်အောင် သွားလိုက် ပြန်လာလိုက် ပြန်သွားလိုက်

အရှက် … အကြောက် …

ဘာမှမသိဘူး

မျက်လုံးတွေကိုက်လာလောက်အောင် မျက်ရည်တွေကျနေရင်း

ညတွေဆို ထိတ်လန့်နေရမှု့သရုပ်ဖော်ပုံတွေဆွဲဖြစ်ခဲ့လား

ဘယ်မှာလဲ ပဲ မေးမိတယ်

တိတ်ဆိတ်တယ် မြုံထားရတယ်ပေါ့

သေချာတာက နာကျင်ရမှာပဲ

သေချာတာက ထားသွားနိုင်ရင် ထွက်ပြေးပေးရမှာပဲ

စိတ်တစ်ခုကိုဆွဲစုတ်လိုက်ချင်တယ်

A Message to the Unknown သီချင်းကို 

ကျယ်ကျယ်လောင်လောင် လှောင်လိုက်ချင်တယ်

ဖြစ်နိုင်ရင် ထပ်အနာကျင်မခံပါနဲ့လို့ပဲ မှာချင်တယ်

အရာရာက မကြာခင် အကောင်းမြင်ဖို့ပဲဖြစ်လာတော့မှာ

သိပြီးသားပေါ့လို့ပြောဖြစ်နေခဲ့ပါတယ်… … … ။။

A Message to the Unknown …  Bless the Fall

မြေနံ့

၃.၉.၂၀၁၃

Search box ကနေ …..ရဲ့ လက္ခဏာများဆိုတာ သူထပ်မရှာတော့ဘူး

ဘာမှမထူးတော့တာသိလိုက်တယ် စိတ္တဇက စိတ္တဇပဲ

ခံစားပျက်ယွင်းနေခြင်းကအချိန်မှန်သောက်ရေတခွက်

တစုံတယောက်ကိုမှချစ်လာတော့မှာမဟုတ်ဘူး

ဘယ်လူကမှရွံစရာထက်မပိုတော့

ကင်ဆာ …ကင်ဆာ…ကင်ဆာ…

တကယ်တော့အရာရာက အဲ့ဒီမှာ စတယ်

တခုခုကိုမြတ်နိုးတန်ဖိုးထားတတ်ချင်တယ်

ကြယ်တွေပဲဖြစ်ဖြစ်ဟိုဘက်လှည့်နေတာပဲဖြစ်ဖြစ် အမဲရောင်တွေပဲဖြစ်ဖြစ်…

စိတ်ရှုပ်ထွေးမှု့ကိုကဗျာနဲ့တိုင်းတာကြည့်နေတယ်

ပေါ်လာသမျှပုံရိပ်စကားလုံးတွေက 

တီးလုံးကြားတာနဲ့ ခေါင်းကိုက်လာတဲ့ careless whispear

ပြုံးပြမိလိုက်တာနဲ့အားလုံးဟာပျောက်သွားပါတယ်

လေတွေတက်လာတော့မှဆေးပုလင်းပြန်ကိုင်မိသမျှ

အစားအစာတွေဆီကနေပိုးသတ်ဆေးအနံတွေရလာတယ်

ရယ်လိုက်ငိုလိုက် ခဏ ခဏ ဖြစ်လာတယ်

ပြောချင်တာကခေါင်းတခြမ်းကိုက်လေ့ရှိသူတွေဟာ …..ဖြစ်ရန် ရာခိုင်နှုန်းနည်းပြီး

မီးအလင်းနဲ့အိပ်တတ်သူတွေဟာ …..ဖြစ်ရန် ရာခိုင်းနှုန်းများသတဲ့

ခန္ဓာကိုယ်ကကော်စိတ်ကကော် ဘယ်ရောဂါဆီရောက်နေလဲ သိတယ်

နောက်ဘယ်တော့မှထပ်ဖြစ်မလာစေရဆိုတာ

စောက်ရေးမပါတဲ့ လူနှစ်ယောက်ရဲ့ပလူးပလဲတချို့ကြောင့်

သေချာတယ် မင်းဟာ သူကြောင့်နေသာထိုင်သာရှိတယ်

သေချာတယ် မင်းဟာ သူကြောင့်

မြန်မြန်သေလေကောင်းလေဆိုတဲ့ စကားခဏ ခဏပြောတယ်

ရုပ်မဖျက်ပါဘူး စိတ်ကိုကရေမကြာမကြာနစ်နေလို့ စကားလုံးတွေ ပျက်သွားတာ

ထပ်ပြီးတော့ပဲ လျှို့ဝှက်ပါထပ်ပြီးတော့ပဲ ထွက်သွားပါ

ထပ်ပြီးတော့ပဲ ပြန်လာပါ ငါကဒီထက် ပိုမရူးနိုင်တော့ပါဘူး

ကြယ်တွေ

Memory stick ထဲက လူက ဟိုဘက်လှည့်ထိုင်နေဆဲ

ငါကခွေးတစ်ကောင်တော့မဟုတ်ပေမယ့်

နင် အမဲရောင် ဖြစ်နေချိန် လိုက်ဆွဲမိမလားပဲ…

ဒီကဗျာကို တစ်ရက်ထက် ပိုကြိုက်နေချင်တယ်…

မြေနံ့

၁၃.၄.၂၀၁၃

မသွားပါနဲ့ဆိုတာကော် နင့်သဘောပါဆိုတာကော်

ရယ်မောခြင်းဟာ အာရုံကြောများနဲ့ သက်ဆိုင်ပါသလား

အခုတလော ကြောက်ပြီးပျောက်နေမိသမျှက မျက်လုံးတွေ ကိုက်လို့

စကားမပြောရရင် ရင်ဘတ်တွေ နာလာတတ်သတဲ့

ရူးသွပ်မှု့ဆိုတာ ခရမ်းရောင်တွေက စခဲ့တာပဲ တကယ်ပါ

တနေကုန် တညလုံး အိပ်နေတာ အသေလိုပဲ

မတွေ့ရ မမြင်ရတဲ့ စိတ်ကို အဲ့လို ပဲ ထားလို့ရခဲ့တယ်

ပျော်နေမှာပါလို့တွေးမိတယ် အမှိုက်တခုလိုပါပဲလို့ တွေးမိတယ်

ဟုတ်တယ် အရာရာကို သတ်ထားလိုက်တယ်

ဘာကိုမှ ထပ် ပစ်ခွဲချင်စရာ မလိုတော့

ဘယ် ကဗျာကိုမှ ထပ်ဖတ်ရမှာ ကြောက်စရာ မလိုတော့

ဆေးတွေကို ရွေးလိုက်ပြီးပြီ သူတို့ဟာ သေတဲ့အချိန်အထိရှိနေပေးနိုင်သူတွေလေ

မစိုးရိမ်တော့ဘူး နေတတ်နေတဲ့လူတယောက်ကို

သေတတ်နေတဲ့လူတယောက်က မစိုးရိမ်ရဘူး … သိတယ်

အိပ်ချင်သွားပြီ

မျက်လုံးတွေကိုက်လာပြီ

မိုးတွေအရမ်းရွာလာပြန်ပြီ  … … … ။။  ။

မြေနံ့

၂၆.၇.၂၀၁၃

မိုး…ရွာ.. သူ ပြေး…ထွက်…

ညတွေမှာ မိုးတွေရွာနေရင် မခံစားနိုင်ဘူးလို့ပြောတယ်

သစ်ရွက်တွေ ကြွေနေတာကိုလည်းတွေ့တယ်

ကြယ်တွေ မငိုတော့တဲ့ အသံကိုလည်းကြားတယ်

တစ်ယောက်ယောက်မှ ရှိမနေတော့တာလည်း သိတယ်

သိပ်ချမ်းနေမှာပဲ

သိပ်အထီးကျန်နေမှာပဲ

သိပ်သတိရနေမိမှာပဲ

မိုးစက်တွေ မြေပြင်ပေါ်ကျနေတဲ့အသံမှာ သူကြေကွဲတယ်

ကဗျာတစ်ပုဒ်ကိုဖြဲစုတ်ပစ်လိုက်ခြင်းနဲ့ မိုးစက်တွေကြောင့် 

ဝါးနေတဲ့ မြင်ကွင်းကို အနက်ရောင်ခြယ်လိုက်တယ်

နာကျင်နေတဲ့ ကောင်းကင်က စကားလုံးတွေ တိတ်တော့

ထပ်မလိုချင်တော့ဘူး ထပ်မဖြစ်ပါရစေနဲ့တော့

မိုးတွေရွာနေတဲ့ သီချင်းတပုဒ်

မိုးတွေရွာနေတုန်း က သူ အိပ်မက်ထဲ သူရောက်နေတယ်

တိမ်တွေကို ထားခဲ့လို့

မိုးတွေ အရမ်း ရွာနေတဲ့အချိန်မှာ သူ ပြေးထွက်သွားခဲ့တာ…

မြေနံ့

ဒီည ကဗျာတစ်ပုဒ် အပြီးသတ်ရင်ကောင်းမလား စာတစ်ပုဒ် အရကျက်ရင်ကောင်းမလားဒါမှမဟုတ်စိတ်ထဲကအကြောင်းတစ်ခုကိုပဲစိမ်ပြေနပြေထိုင်တွေးရမလား

သူထမင်းစားရသေးမှာမဟုတ်ဘူး

ရုပ်သေ မျက်လုံး အသေနဲ့ သီချင်းအသေတွေမဆိုနဲ့

ညဘက်တွေ အိပ်ပါကွာ ပိန်လာပြီ နင်ပျော်ဖို့ နည်းနေအုံးမယ်

ဘယ်လိုမှ မသိသလို မဆိုင်သလို မနေပေးနိုင်တဲ့ စောက်ရူးတစ်ကောင်

ခင်ဗျားလက်တွေကို ဘယ်သူသောင်းကျန်းစေလို့လဲ...

မေ့သွားပြီ ပြောင်းသွားပြီ ထပ်ရမှာ မဟုတ်တော့တဲ့

စနေ တနင်္ဂနွေ တွေ အကြောင်း မပြောတော့ဘူး ပြောတာပဲပေါ့

ဒါပေမယ့် ကျုပ်အခု တစ်ခုသိချင်သေးတယ်

ခင်ဗျား ကျုပ်ကိုသိလား...

နှုတ်ခမ်းတွေလှုပ်ဖို့ တစ်ခုခုထပ်လိုအုံးမလား...

ပုတ်ခတ် ပုတ်ခတ် နဲ့ ပိတ်ဖွင့် တံခါးတစ်ချပ်မဟုတ်လည်း

လိုရင် လိုသလို ပိတ်ပေးလိုက် ဖွင့်ပေးလိုက်

ခင်ဗျား အဲ့သလိုပဲ စကားနည်း/ပြော သလားဆိုတာထက်

ခင်ဗျား ဒီထက် စကားနည်းနည်း များ/ပြော ရင် ပိုကောင်းမယ်

ဒါမှ မဟုတ် ခင်ဗျား ဒီမီးကိုမှုတ်လိုက်လို့

ကျုပ်ဘ၀ မှောင်သွားပေမယ့်

ပိုးဖလံ ကျုပ် အေးလည်းအေးသွားတယ်

ခင်ဗျား ခေါင်းမူးနေပြန်ပြီလား

တကယ်တော့ အဲ့သတ္တဝါတွေကို မချစ်နိုင်ရင်တောင်

ကြောက်တော့မကြောက်ပါနဲ့

ကဗျာကို အားနာလျက်...

ကျုပ် အခု စိတ်ရောဂါ အသစ် တစ်ခုနဲ့ စကားပြောနေပါတယ်...။

မြေနံ့

၂၇၊၁၊၂၀၁၃

အံ့သြစရာပဲ ခင်ဗျားရဲ့ ပျက်ယွင်းမှု့တွေက သိပ်မြန်ဆန်လွန်းတဲ့ ရောဂါဆန်းတစ်ခုလိုပဲ

အံ့သြစရာပဲ ခင်ဗျားရဲ့ ပျက်ယွင်းမှု့တွေက သိပ်မြန်ဆန်လွန်းတဲ့ ရောဂါဆန်းတစ်ခုလိုပဲ

လူလူချင်း ဆာလောင်မှု့တွေများလာတာက ခင်ဗျားနဲ့မဆိုင်တဲ့ အကြောင်းတရားလို့ပဲထား

ခင်ဗျားနဲ့ဆိုင်ရမှာက ခင်ဗျားတံတွေးတွေ မပြတ်သွားဖို့

ခင်ဗျား နှုတ်ခမ်းတွေ ဒီထက်ပိုမသေလာဖို့

ခင်ဗျားမျက်လုံးအနားတစ်ဝက်မှာ အခုထက်ပိုမညိုလာဖို့ ပဲ

သူများတွေ ရယ်မောပျော်ရွှင်နေတာကိုလည်း ခင်ဗျားဆန့်ငင် ဆန့်ငင် သွားကြည့်ချင်မနေနဲ့

ခင်ဗျားကြည့်ရမှာက ဆေးတွေ အကုန်မြန်နေပေမယ့် ခင်ဗျားမသက်သာသေးတဲ့ကိစ္စ

ဆေးပုလင်းအခွံတွေ ကြည့်ရင်း အရင်လိုပြန်ဖြစ်ပါ့မလားဆိုတဲ့ ကိစ္စတွေပဲ

ခေါင်းမမာချင်စမ်းပါနဲ့ အခုက ခင်ဗျားတစ်ခုခုကို ငွေ့ငွေ့လေး ပြုံးပြဖို့ အားတောင်ရှိသေးရဲ့လား

အိပ်ပျော်အောင် အိပ်ဖို့ပဲစဉ်းစား ကျုပ်က ခင်ဗျားအခြေအနေအရ အရူးဆေးပေးမှဖြစ်တော့မယ်

ခင်ဗျားသွက်သွက်ခါအောင် ငို/ကြောက်ရတဲ့ ဟာသလေ...အရူးဆေး...အရူးဆေး...အရူးဆေး...

sorry sorry ကျုပ်နည်းနည်းလွန်သွားတယ် စိတ်မပူပါနဲ့

ကျုပ်ခင်ဗျားကိုတစ်ယောက်တည်း လမ်းလျှောက်နည်း သင်ပေးမယ်

ဘယ်သူ့မှဂရုမစိုက်တာတောင် ရှောင်/ပြေး/ပုန်း နေကျဖြစ်တဲ့

ခင်ဗျားစိတ်ကိုလည်း ကျုပ် ဖြေပေးချင်ပါတယ်

စိတ်ပူပန်/ဖိစီး/ညစ်ညူးနေတဲ့ ခင်ဗျားရုပ်ကိုလည်းပြင်ပေးမယ်

ပြီးတော့ တဖြည်းဖြည်းနဲ့ ခင်ဗျားစကားပြောတတ်အောင် ကျုပ်ခေါ်သွားမယ်

အဲ့ဒီတော့ ဦးဆုံးအနေနဲ့ ခင်ဗျားလုပ်ရမှာက မျက်လုံးတွေမှိတ် စိတ်တွေပိတ်ပြီး အိပ်ဖို့ပါပဲ

အိပ်လိုက်ပါတော့ကွယ်...

မြေနံ့

၃.၁.၁၃

အားလုံးပြီးသွားတဲ့နောက်ငါကဗျာတစ်ပုဒ်လိုပဲ ရေးလိုက်တော့မယ်

(1) 3/9/10

(2) 19/9/10

(3) 26/9/10

(4) 17/10/10

(5) ...3/12/10...

(6) 12/12/10

(7) 14/12/10

(8) ...29/1/11...

(9) 20/2/11

(10) 27/2/11

(11) 5/3/11

(12) 26/3/11

(13) 14/5/11

(14) 21/5/11

(15) 5/6/11

(16) 12/6/11

(17) 31/7/11

(18) 14/8/11

(19) 17/9/11

(20) 24/9/11

(21) 1/10/11

(22) 15/10/11

(23) 22/10/11

(24) 29/10/11

(25) 5/11/11

(26) 20/11/11

(27) 26/11/11

(28) 27/11/11

(29) ...3/12/11...

(30) 10/12/11

(31) 17/12/11

(32) 31/12/11

(33) 14/1/12

(34) 15/1/12

(35) 21/1/12

(36) 22/1/12

(37) ...29/1/12...

(38) 4/2/12

(39) 5/2/12

(40) 12/2/12

(41) 26/12/12

(42) 2/3/12

(43) 10/3/12

(44) 29/3/12

(45) 12/5/12

(46) 20/10/12

(47) 13/11/12

မြေနံ့

၁၈.၁၂.၁၂