ရယ်မောခြင်းဟာ အာရုံကြောများနဲ့ သက်ဆိုင်ပါသလား
အခုတလော ကြောက်ပြီးပျောက်နေမိသမျှက မျက်လုံးတွေ ကိုက်လို့
စကားမပြောရရင် ရင်ဘတ်တွေ နာလာတတ်သတဲ့
ရူးသွပ်မှု့ဆိုတာ ခရမ်းရောင်တွေက စခဲ့တာပဲ တကယ်ပါ
တနေကုန် တညလုံး အိပ်နေတာ အသေလိုပဲ
မတွေ့ရ မမြင်ရတဲ့ စိတ်ကို အဲ့လို ပဲ ထားလို့ရခဲ့တယ်
ပျော်နေမှာပါလို့တွေးမိတယ် အမှိုက်တခုလိုပါပဲလို့ တွေးမိတယ်
ဟုတ်တယ် အရာရာကို သတ်ထားလိုက်တယ်
ဘာကိုမှ ထပ် ပစ်ခွဲချင်စရာ မလိုတော့
ဘယ် ကဗျာကိုမှ ထပ်ဖတ်ရမှာ ကြောက်စရာ မလိုတော့
ဆေးတွေကို ရွေးလိုက်ပြီးပြီ သူတို့ဟာ သေတဲ့အချိန်အထိရှိနေပေးနိုင်သူတွေလေ
မစိုးရိမ်တော့ဘူး နေတတ်နေတဲ့လူတယောက်ကို
သေတတ်နေတဲ့လူတယောက်က မစိုးရိမ်ရဘူး … သိတယ်
အိပ်ချင်သွားပြီ
မျက်လုံးတွေကိုက်လာပြီ
မိုးတွေအရမ်းရွာလာပြန်ပြီ … … … ။။ ။
မြေနံ့
၂၆.၇.၂၀၁၃
