မျက်လုံးတွေဖွင့်လိုက်တိုင်းမြင်နေရတာနံရံပဲ
သူအရှေ့ကြည့်တယ် ပြီးတော့လက်ဝဲဘက်ကိုကြည့်တယ်
ပြီးတော့အနောက် ပြီးတော့လက်ယာဘက်…
လူတစ်ယောက် ဒီမြင်ကွင်းတွေနဲ့သာလူတစ်ယောက်
ကိုယ်ကျိုးကနည်းနည်း အများအတွက်ပိုလွန်းတဲ့လူတစ်ယောက်
အခုတော့သံကြိုးတွေနဲ့အချုပ်အနှောင်ခံလို့…
သူမှားခဲ့တာဘာများပါလိမ့် သူ့အပေါ်စွဲချက်တွေက
သူ့ရဲ့ဖြေရှင်းချက်တွေကိုပိတ်လို့
သူ့ရဲ့ယုံကြည်ချက်တွေကို အကျဉ်းချခဲ့တယ်…
အရူးလို့အပြောခံ လူမိုက်လို့အပြောခံ ဒါပေမယ့်
အနာဂါတ်ကိုသာ သူမျှော်ကြည့်လို့
သူဟာဘယ်တော့မှ အရှုံးပေးမှာမဟုတ်ဘူး…
မျက်လုံးတွေဖွင့်လိုက်တိုင်း မြင်နေရတာနံရံပဲ
ဒါပေမယ့်သူဘယ်တော့မှအရှုံးမပေးဘူး…။…။
(ယုံကြည်ချက်ဖြင့် အကျဉ်း/အရူး/အိမ်/ခြင် ထောင် အစရှိသဖြင့် ရောက်နေသူများကို ရည်ရွယ်လိုခြင်း)
မြေနံ့
၁၀.၁၂.၂၀၁၁
