အိပ်ရာထက်မှာ သူဟာတွန့်ကြေလို့နေတယ် သူဟာစောင်အိုလေးတစ်ထည်ပါ
ရိပြဲနေတဲ့နေရာတွေများလို့ အသားစတွေလည်းစုတ်နေခဲ့ပါပြီ
သူဘယ်လိုပဲ ကြိုးစားပေမယ့် ဘယ်သူ့ကိုမှ အနွေးဓာတ် လုံလုံလောက်လောက်မပေးနိုင်တော့ဘူးလေ
မကြာခင်သူဟာ စွန့်ပစ်ခံရတော့မယ့် စောင်အိုလေးပါ....
ခွက်လေးတစ်ခွက်ထဲမှာသူ့ရပ်တည်မှု့ကဖရိုဖရဲနိုင်လွန်းတယ် သူဟာသွားပွတ်တံဟောင်းလေးတစ်ချောင်းပါအသုံးပြုခံအချိန်တွေများလို့ အတွေးစတွေလည်း တုံးဖွာနေခဲ့ပါပြီ
သူဘယ်လိုပဲ ဆန္ဒရှိပေမယ့် ဘယ်သူ့ကိုမှ သန့်စင်ခြင်းကိုမပေးနိုင်တော့ဘူးလေ
မကြာခင်သူဟာ မေ့လျော့ခံရတော့မယ့် သွားပွတ်တံဟောင်းလေးပါ...
တိတ်ဆိတ်ခြင်းတေးသွားနဲ့ သူဟာစိတ်ပျောက်လို့နေတယ် သူဟာလူနာတစ်ယောက်ပါ
လျော့တိလျော့ရဲ အပြုံးတွေများလို့ စကားစတွေလည်း ကြေမွနေခဲ့ပါပြီ
သူဘယ်လိုပဲ ပြောချင်ပေမယ့် ဘယ်သူ့ကိုသူရှိကြောင်းမသိစေနိုင်တော့ဘူးလေ
မကြာခင်သူဟာ လောင်မြိုက်ခံရတော့မယ့် လူနာပါ....။....။
မြေနံ့
၇.၁၂.၂၀၁၁
