ခက်ပြီ ခင်ဗျားတို့ကို ကျုပ်ကရူးနေပါတယ်လို့
ပြောတုန်းကတော့ ရယ်စရာအဖြစ်သဘောထားကြတယ်
အခု ကျုပ်အရူးတစ်ယောက်လိုနေထိုင်တော့မှ
မင်းရူးနေလားလို့ လာမေးကြတယ်
ကျုပ်အစကတည်းကပြောပြီးပါပကော်
ကျုပ်စိတ်မမှန်ဘူးလို့လေ…
လုပ်ပြီ ခင်ဗျားတို့ကို ကျုပ်ကလူမဟုတ်ပါဘူးလို့
ပြောတုန်းကတော့ ဘာမှမဟုတ်သလိုသဘောထားကြတယ်
အခု ကျုပ်လူမဆန်တဲ့အပြုအမူတွေလုပ်တော့မှ
မင်းလူမဟုတ်ဘူးလားလို့ လာမေးငေါ့ကြတယ်
ကျုပ်အစကတည်းကကြောငြာပြီးပါပကော်
ကျုပ်ကမကောင်းဆိုးဝါးပါလို့လေ…
သွားပြီ ခင်ဗျားတို့ိကို ကျုပ်ကမချစ်တတ်ပါဘူးလို့
ပြောတုန်းကတော့ မယုံသလိုလို ဘာလိုလိုနဲ့
အခု ကျုပ်အေးစက်စက်နေတော့မှ
မင်းနှလုံးသားမရှိဘူးလားလို့ လာရှည်ကြောနေတယ်
ကျုပ်အစကတည်းက ဝန်ခံပြီးပါပကော်
ကျုပ်လူတွေကိုမုန်းတယ်လို့…။…။
မြေနံ့
၁၅.၄.၂၀၁၀
