ရယ်ရတယ်
ငိုစရာတွေကလည်း ရယ်ရတယ်
သနားတယ်ဆိုတာကလည်း ရယ်ရတယ်
ဒိုင်ယာရီတွေဖြဲပစ်လိုက်တာကလည်း ရယ်ရတယ်
စောက်သုံးမကျဘူးဆိုတာကလည်း ရယ်ရတယ်
အတည်တကျမရှိတဲ့တိမ်တွေကလည်း ရယ်ရတယ်
အပယ်ခံရတဲ့ခံစားမှု့တွေကလည်း ရယ်ရတယ်
စည်းချက်မရှိတဲ့သံစဉ်တွေကလည်း ရယ်ရတယ်
ဖြစ်လာမှမဟုတ်တဲ့မျှော်လင့်ချက်ကလည်း ရယ်ရတယ်
ရှုပ်ပွစုတ်ပြတ်ခြင်းကလည်း ရယ်ရတယ်
တစ်ယောက်တည်းသေရတာကလည်း ရယ်ရတယ်
အဲ့ဒီလိုနင်ထင်တာကလည်း ရယ်ရတယ်
အနက်ရောင်မျက်ဝန်းတွေကလည်း ရယ်ရတယ်
ဘယ်သူမှမသိတာကလည်း ရယ်ရတယ်
အချစ်ဆိုတာကတော့
အရယ်ရဆုံးပဲပေါ့…။
မြေနံ့
၁၃.၁၁.၂၀၁၀
