အထက်စီးဆန်တဲ့ လေသံဆိုတာ မသိတောင်မသိပါ ဆိုတော့လည်းမဟုတ်
ဝေဖန်ရေးကို အရေးမစိုက်ကြောင်းပြောရင်းနဲ့ပဲ ဝေဖန်ရေးကိုသွေးကြောင်
ဝေဖန်ရေးကိုအထင်လွဲ ဝေဖန်ရေးကိုဖျောက်ပစ် ဝေဖန်ရေးကိုထုတ်လို့မရဖြစ်နေ
စိတ်သဘောထားချင်းမတိုက်ဆိုင် ပြောချင်တာကိုမတွေးပဲ ကိုယ့်အတွေးနဲ့ ကိုသာထင်လား
လူတစ်ယောက် ကဗျာတစ်ပုဒ်ကို အဲ့ဒီလို ဖယ်ပစ်လိုက်ဖို့လွယ်လား…ပြီးသွားလိမ့်မယ်
တကယ်တော့ကျုပ်လွန်လိမ့်မယ် ကျုပ်ကလည်း ကျုပ်အဆင့်ကျော်သွားမိတယ်လို့
ခင်ဗျားကိုပြောလိမ့်မယ် ပြီးရင် ဖြစ်သင့်တာတွေ ဆက်ဖြစ်သွားလိမ့်မယ်
ဒါပေမယ့် ခင်ဗျားစိတ်က အဲ့ဒီလောက်တောင်မရှိပါလား
ခင်ဗျား သိပ်ရယ်စရာ သနားစရာပါလား
အဲ့ဒီတော့ ကျုပ်ရယ်လိုက်တယ် ခင်ဗျားကို သနားမိတယ်
ခင်ဗျားလည်း ကျုပ်ကိုပြန်ရယ်ပါ ပြန်သနားပါ
ဘာကြောင့်လဲ ဆိုတာကိုတော့ ခင်ဗျားသိမှာပါ
ကျုပ်ကတော့ ခင်ဗျားကြောက်လို့ ပြေးသွားတယ်လို့ ပဲ မြင်ပါတယ်…ပြီးသွားပြီ…။
မြေနံ့
၂၅.၁၀.၂၀၁၂
