လောဘမီး ဒေါသမီး
တောက်နေတဲ့လူတွေကြောင့်
အရှောင်အတိမ်းမဲ့ အလောင်ခံရတဲ့သတ္တဝါတစ်ကောင်
အချစ် အမုန်းတွေကို
တန်ဖိုးထားတယ်ဆိုတဲ့ လူတွေကြောင့်
အလဟသ မပြောလိုက်ရတဲ့သတ္တဝါတစ်ကောင်
လူပါ လူပါ လို့
အော်ဟစ်နေတဲ့ လူတွေကြောင့်
သနားစရာအဖော်မဲ့တဲ့ သတ္တဝါတစ်ကောင်
အားအားနေအပြစ်ရှာခြင်းတွေနဲ့
နာကျင်စေတဲ့လူတွေကြောင့်
တစ်နေ့ တစ်ခါ အသက်ကယ်ဆေးမှီဝဲရတဲ့ သတ္တဝါတစ်ကောင်
တိရစ္ဆာန်ဖြစ်တဲ့ ခွေးတစ်ကောင်လို
အူ အူနေတတ်တဲ့လူတွေကြောင့်
ဘာမှမခံစားနိုင်တော့တဲ့ နှလုံးသားမဲ့ သတ္တဝါတစ်ကောင်
သစ္စာ မေတ္တာ နတ္တိ နဲ့
ကိုယ့်ကိုကိုယ် လူယောင်ဆောင်ထားတဲ့ လူတွေကြောင့်
လူမဟုတ်တော့တဲ့ သတ္တဝါတစ်ကောင်...။
မြေနံ့
