အန်လို့မရတော့ တံတွေးပဲ ခဏ ခဏ ထွေးမိတယ်
ခေါင်းက နည်းနည်း ထိ/နာ/ကြောင်/ပျက်သွားတယ်
စကားလုံးတွေက စကားလုံးတွေမဖြစ် မဖြစ်နိုင်တော့
မျက်ရည်တွေအဖြစ် စာရွက်တွေပေါ်ကျလာတယ်
မြိုသိပ်ထားလို့ မခံနိုင်ရင် ယဉ်ယဉ်လေးနဲ့ ငါရူးမယ်တဲ့
ကောင်းကောင်းမွန်မွန်ဖြစ်တယ် ပြီးတော့ အကုန် ကုန်သွားပြန်တယ်
သူ့အပေါ်မူတည်နေတဲ့ ငါ့ကိုယ်ငါ့ အမြင်ကတ်မိတယ်
စိတ်ကိုဘယ်ကိုပဲ ပို့ထားပို့ထား သူ့ဆီပဲရောက်ချင်နေတယ်
နေကောင်းရဲ့လား... လမ်းဟောင်းပြန်လျှောက်နေတာလား...
ငါ့ကိုမုန်းလို့ပဲလား... ဒီအတိုင်းပဲမေ့သွားတာလား...
ငါလေ... အရာရာကို ပြန်အသက်သွင်းဖို့ ပြင်ဆင်ထားခဲ့တာ...
အခုတော့လေ...အရာရာဟာ..................................။
မြေနံ့
