အရာရာအပစ်ချခံနေရတဲ့ အခြေအနေသို့ရောက်သောအခါ
ခေါင်းစဉ်နဲ့တူသော အတွင်းစာသားတွေ
အတွင်းစာသားနဲ့တူသော ခေါင်းစဉ်တွေ
အရာရာအပြိုလဲခံ အခြေအနေသို့ရောက်သောအခါ…
လှည့်ကြည့်မနေပါနဲ့ဆိုတာပဲရေရွတ်နေမိတယ်
ဆိုလိုတာကလှည့်ကြည့်စရာမလိုအောင်ကိုဖြစ်ချင်ခဲ့တာ
လှည့်မကြည့်တာကတော့တခြားသဘောနဲ့ဖြစ်သွားတယ်
Give me all ur poison ! သတိရမိတယ်…
တကယ်ပဲပြီးရတော့မှာလား ဝေးပြီလား
နီးတော့လည်းမနီးချင်ခဲ့ပေမယ့် ဝေးတော့လည်းမဝေးချင်ခဲ့ဘူး
အတွေးတွေနဲ့ အတွေးတွေသာ သာမန်ထက်လွန်ကဲတဲ့ စိတ်တစ်ခုက
ဖုန်မှုန့်တွေကိုဖြစ်စေတယ် တစ်ခန်းလုံးအသံမထွက်တတ်တဲ့
စကားလုံးတွေရှိတယ် နားလည်ထားတဲ့ သဘောမျိုးနဲ့ပဲ
လှည့်ကြည့်မနေပါနဲ့တော့…။…။
မြေနံ့
၁၅.၇.၂၀၁၂
