ဒီဇင်ဘာကျရင်တော့ ဖိနပ်အသစ်ဝယ်ဖို့ တွေးထားတယ်
ချစ်သူရဲ့သီချင်းက ဆွေးဆွေးမြည့်မြည့်လေး
ဒီဘဝပျောက်မှပျောက်ပါ့မလားလို့ ထင်ခဲ့တဲ့ ဒဏ်ရာတွေလည်းပျောက်သွားတယ်
အမာရွတ်တော့ကျန်နေသေးတယ်
အကြည့်ချင်းတောင်မဆုံဖြစ်တဲ့ ရှပ်အကျီလေးတွေ
ကြိုးစားတိုက်ခတ်နေတဲ့ ညနက်နက်တွေ
လူတယောက်က ညီမလေးလို့ မခေါ်တော့ဘူး
တချို့မျက်နှာတွေကို မချစ်ဖြစ်ခဲ့တာ
အဆင်ပြေလားမေးရင် ပြုံးရုံပဲ
ပျောက်သွားတဲ့ အိပ်မက်တွေများ ငိုနေမလား
ငါကနေနိုင်ပါတယ် မင်းမနေနိုင်မှာပဲစိုးတာ
ပုံစံတလွဲတွေဆီကို မျက်ဝန်းတွေရောက်လာတော့
ခေါင်းကုတ်ရတာ ဝါဿနာများပါသလား
နောက်ဆို ငါ့ဆီကနေ မင်းဘာမှ မရတော့ဘူး
ပြောပြီးထွက်သွားဖြစ်တယ်
မြေနံ့
၀၈/၀၉/၂၀၁၆
